Home News තොරතුරු පනත ගැන ශ්‍රී ලංකා පුවත්පත් ආයතනයෙන් මධ්‍යම පළාත් මාධ්‍යවේදීන්ට වැඩමුළුවක්

තොරතුරු පනත ගැන ශ්‍රී ලංකා පුවත්පත් ආයතනයෙන් මධ්‍යම පළාත් මාධ්‍යවේදීන්ට වැඩමුළුවක්

ශ්‍රී ලංකා පුවත්පත් ආයතනයෙන් මධ්‍යම පළාතේ ප්‍රාදේශීය මාධ්‍යවේදීන් තොරතුරු දැනගැනීමේ පනත පිළිබඳ සම්බන්ධයෙන් දැනුවත් කිරීමේ එක්දින වැඩමුළුවක් ශ්‍රී ලංකා පුවත්පත් ආයතනය (SLPI) විසින් සාර්ථක අන්දමින් පවත්වනු ලැබීය. මහනුවර, නුවරඑළිය සහ මාතලේ යන දිස්ත්‍රික්ක ත්‍රිත්වයම ආවරණය වන පරිදි දෙසැම්බර් 22 වැනිදා මහනුවර ඩෙවෝන් හෝටලයේදී පැවති මේ වැඩමුළුව සඳහා එකසිය විසි දෙනෙකුට ආසන්න මාධ්‍යවේදීන් පිරිසක් මහත් උනන්දුවෙන් යුතුව සහභාගි වී සිටි අන්දම දැකගත හැකි විය.

සිංහල සහ දමිල භාෂාවලින් සමාන්තර වැඩමුළු දෙකක් ලෙස මෙය මෙහෙයවනු ලැබීය. සිංහල මාධ්‍ය වැඩමුළුව මෙහෙයවනු ලැබුවේ ශ්‍රී ලංකා පුවත්පත් ආයතනයේ කමල් ලියනාරච්චි සහ නීතීඥ/මාධ්‍යවේදිනී රදිකා ගුණරත්න විසිනි. දමිල මාධ්‍ය වැඩමුළුව නීතීඥ අයින්කරන් කුගදාසන් සහ නීතීඥ මතුරි තමිල්මාරන් විසින් මෙහෙයවනු ලැබිණි.

සිංහල වැඩමුළුවේ නීති සැසිය මෙහෙයවූයේ නීතීඥ/මාධ්‍යවේදිනී රදිකා ගුණරත්න විසිනි. මෙම අවස්ථාවට ශ්‍රී ලංකා පුවත්පත් ආයතනයේ ආරාධනය මත, තොරතුරු දැනගැනීමේ කොමිසමේ නියෝජිතවරියක් වන ජේ්‍යෂ්ඨ නීතීඥ කිශාලි පින්ටෝ-ජයවර්ධන ද නිරීක්ෂණ මට්ටමින් සහභාගි වූවාය.
සිංහල වැඩමුළුවේ නීති සැසිය මෙහෙයවූයේ නීතීඥ/මාධ්‍යවේදිනී රදිකා ගුණරත්න විසිනි. මෙම අවස්ථාවට ශ්‍රී ලංකා පුවත්පත් ආයතනයේ ආරාධනය මත, තොරතුරු දැනගැනීමේ කොමිසමේ නියෝජිතවරියක් වන ජේ්‍යෂ්ඨ නීතීඥ කිශාලි පින්ටෝ-ජයවර්ධන ද නිරීක්ෂණ මට්ටමින් සහභාගි වූවාය.

පසුගිය අගෝස්තු මාසයේදී තොරතුරු දැනගැනීමේ අයිතිය පිළිබඳ පනත සම්මත කර ගැනීම ප්‍රජාතන්ත්‍රවාදය අගය කරන පුරවැසියන්ගේ ජයග්‍රහණයකි. එය, 1998 කොළඹ ප්‍රකාශනයේ පටන් ශ්‍රී ලංකාවේ මාධ්‍ය ප්‍රජාව සහ නීති ප්‍රජාව විසින් තොරතුරු නිදහස සහ මාධ්‍ය නිදහස සඳහා ගෙන ගිය අනවරත අරගලයේ ප්‍රතිඵලයකි. මෙම අරගලයේදී කැපී පෙනෙන කාර්යභාරයක් ඉටු කළ ආයතනයක් ලෙසට ශ්‍රී ලංකා පුවත්පත් ආයතනය අවිවාදිත ය.

පුරවැසියාගේ තොරතුරු අයිතිය සුරක්ෂිත කිරීමේ ඓතිහාසික පියවරක් ලෙසින් සම්මත වූ මෙම තොරතුරු පනත ලෝකයේ හොඳම තොරතුරු නීති දහය අතරින් එකක් වේ. කෙසේ නමුත් මේ සම්බන්ධයෙන් සමාජයේ දුර්මත සහ වැරදි ප්‍රචාරයන් රැසක් පවතින බව පෙනේ. මේ නිසා මෙය පුරවැසියාගේ තොරතුරු අයිතිය සුරක්ෂිත කිරීම උදෙසා පනවාගත් ‘හොඳ නීතියක්’ බව අවධාරණය කරමින් සහ පනතෙන් උපරිම ප්‍රයෝජනය ලබාගන්නා ආකාරය පෙන්වා දෙමින් ප්‍රායෝගික ජීවිතයට පනත අදාළ කරගන්නා ආකාරය පිළිබඳ විශේෂ අවධානයක් යොමු කරමින් ශ්‍රී ලංකා පුවත්පත් ආයතනය සිය පුහුණු වැඩසටහන් නිර්මාණය කරයි.

ශ්‍රී ලංකා පුවත්පත් පැමිණිලි කොමිසමේ කමල් ලියනාරච්චි මහතා සිංහල මාධ්‍යවේදීන් සඳහා සැසියක් පවත්වමින්.
ශ්‍රී ලංකා පුවත්පත් පැමිණිලි කොමිසමේ කමල් ලියනාරච්චි මහතා සිංහල මාධ්‍යවේදීන් සඳහා සැසියක් පවත්වමින්.

තොරතුරු දැනගැනීමේ අයිතිවාසිකම පිළිබඳ පනත ජනතාව අතරට ගෙන යාම සඳහා ශ්‍රී ලංකා පුවත්පත් ආයතනය සැලසුම්සහගත-සක්‍රිය කාර්යභාරයක් ඉටුකරමින් සිටියි. දිස්ත්‍රික් මට්ටමෙන් මාධ්‍යවේදීන් සඳහා වැඩමුළු පැවැත්වීම ඔවුන් විසින් සිදුකරන අතර, ගාල්ල, ගම්පහ දිස්ත්‍රික්කවල පසුගියදා සාර්ථක වැඩමුළු ගණනාවක් පැවැත්විණි. ශ්‍රී ලංකා පුවත්පත් ආයතනය විසින් මාධ්‍යවේදීන් පුහුණු කිරීමේ සහ දැනුවත් කිරීමේ දීප ව්‍යාප්ත වැඩමුළු මාලාවක් සැලසුම් කර තිබෙන අතර අගනුවර මාධ්‍ය ආයතනවල මාධ්‍යවේදීන් ව නව පනතේ භාවිතයන් සහ ප්‍රයෝජන පිළිබඳ දැනුවත් කිරීම ද මේ වන විට ආරම්භ කර තිබේ. එසේම ශ්‍රී ලංකා පුවත්පත් ආයතනය විසින් සම්පාදිත තොරතුරු දැනගැනීමේ අයිතිය පිළිබඳ පුරවැසි අත්පොත ද මේ වන විට ජනගත කර තිබේ. පසුගියදා එය තොරතුරු කොමිසම වෙත ද පිළිගන්වනු ලැබීය. පනත ලිහිල් බසින් විස්තර කරමින් එහි නීතිමය ප්‍රයෝජනය හුවා දක්වමින් සිංහල, ඉංග්‍රීසි, දමිල යන භාෂා ත්‍රිත්වයෙන්ම මෙම පුරවැසි අත්පොත ප්‍රකාශිත ය. පනත සහ එහි ක්‍රියාත්මක භාවය පිළිබඳවත්, එයින් මාධ්‍යවේදීන්ට අත්වන පුළුල් ප්‍රයෝජනය පිළිබඳවත් දැනුවත් කරන ආකර්ෂණීය වැඩසටහන් ගණනාවක් ශ්‍රී ලංකා පුවත්පත් ආයතනය විසින් ඉදිිරියේදී ද ක්‍රියාත්මක කිරීමට සූදානමින් සිටියි.

නීතීඥ මතුරි තමිල්මාරන් විසින් දමිල නීති සැසිය මෙහෙයවමින්
නීතීඥ මතුරි තමිල්මාරන් විසින් දමිල නීති සැසිය මෙහෙයවමින්

 

නීතීඥ අයින්කරන් කුදගාසන් විසින් දමිල නීති සැසිය මෙහෙයවමින්
නීතීඥ අයින්කරන් කුදගාසන් විසින් දමිල නීති සැසිය මෙහෙයවමින්

 

වැඩමුළුවට සහභාගි වූ මාධ්‍යවේදියෙක් පනතේ ක්‍රියාත්මකභාවය පිළිබඳ ප්‍රායෝගික ගැටළු කිහිපයක් මතු කළේය.
වැඩමුළුවට සහභාගි වූ මාධ්‍යවේදියෙක් පනතේ ක්‍රියාත්මකභාවය පිළිබඳ ප්‍රායෝගික ගැටළු කිහිපයක් මතු කළේය.

 

වැඩමුළුවට සහභාගි වූ මාධ්‍යවේදීන් එකසිය විසිදෙනෙකුට ආසන්න පිරිසෙන් කොටසක්
වැඩමුළුවට සහභාගි වූ මාධ්‍යවේදීන් එකසිය විසිදෙනෙකුට ආසන්න පිරිසෙන් කොටසක්

LEAVE A REPLY

Please enter your comment!
Please enter your name here

- Advertisment -

Most Popular

PRESS RELEASE: SLPI Submits Media Regulation Proposal to Media Minister

The Sri Lanka Press Institute (SLPI), its constituents and affiliated organizations met with the Minister of Mass Media, Hon. Keheliya Rambukwella on Monday, 15th...

Radio reporter gunned on city street in central Somalia

Reporters Without Borders (RSF) condemns a radio reporter’s murder yesterday by two gunmen in the city of Galkayo, in central Somalia, and calls on...

PRESS RELEASE: SLPI requests Justice Minister to codify laws on Contempt of Court

The Sri Lanka Press Institute (SLPI) this week forwarded to the Minister of Justice, Hon. Ali Sabry MP, PC a set of proposals by...

ஊடக அறிக்கை: நீதிமன்ற அவமதிப்பு தொடர்பான சட்டங்களை ஒழுங்குபடுத்துமாறு இலங்கை பத்திரிகை ஸ்தாபனம் நீதி அமைச்சரை கோருகிறது.

இலங்கையின் நீதிமன்ற அவமதிப்புச் சட்டத்தை, ஏனைய நாடுகளில் உள்ளதைப் போன்று ஒழுங்குபடுத்தி நடைமுறைப்படுத்த வேண்டியதற்கான அடிப்படைக் காரணங்கள் தொடர்பில் இலங்கை பத்திரிகை ஆசிரியர்கள் சங்கத்தின் முன்மொழிவுகள் அடங்கிய தொகுப்பொன்றை இவ்வாரம் பாராளுமன்ற உறுப்பினரும்,...

Recent Comments